ТУРК ФИЛЬМЛАРИ ҲАФТАЛИГИ 1-7 июн 2006 Музей кино, Ўзбекистон шоҳкўчаси, 49а, Ўзбекистон метро бекати.
	1 июн, бошланиши: 19:00 ҚАЛБ ЯРАСИ (2004), Романтик фильм / Драма, 100 дақиқа. Режиссёр: Явуз Тургул. Ролларда: Шенер Шен (Нозим), Meлтем Жумбул (Dунё), Tимучин Эсен (Халил). Мазмуни: Нозим, ўқитувчиликдан нафақага чиққач Истамбулга қайтиб келиб такси ҳайдовчиси булиб ишлай бошлайди. Кунлардан бир куни таксисига тунги клуб ашулачиси Дунё (Мелтем Жумбул) ўтиради. Дунё, собиқ эри Халил туфайли бошига бало келган ва қийин вазиятда булган аёлдир. Тунги клубдан ҳайдалиб кичик қизи билан кўчада қолган бу аёлга Нозим ёрдам бера бошлайди. Аммо аёлнинг собиқ эри уларни таъқиб қилишдан тўхтамайди. Фильм ўзбек тилига таржима қилинган
	2 июн, бошланиши: 19:00 ЧЕГАРА (1999) Комедия, 103 дақиқа. Продюсер: Синан Четин. Ролларда: Кемал Сунал, Метин Акпинар, Мерал Орхонсай, Мелтем Жумбул, Рафет эль Роман.  Мазмуни: 1948 йилда юзага келган фожеали комедия жанрига оид воқеалар тасвирланган. Божхона маскани  бошлиғи Мехди йиллар ўтгач, ўз шахарчасига ишга юборилади. Унга берилган вазифа эса шаҳарчага чегара ўрнатиб бир божхона маскани қуриш эди. Ҳамқишлоқларнинг гулдурос қарсаклари билан очилган божхона чегараси қишлоқни иккига бўлиб қўяди. Шундан кейин чегаранинг нариги томонида қолганлардан ўз шаҳарчаларига ўтишлари учун паспорт талаб қилина бошлайди. Натижада севишганлар тиканли симларнинг икки томонида қолиб, оилалар кўришолмайдиган даражага келади.   Фильм ўзбек тилига таржима қилинган
	4 июн, бошланиши: 19:00 ҚИСҚА ВА ОҒРИҚСИЗ (1998), Триллер / Драма, 100 дақиқа. Ролларда: Мехмет Қуртулуш (Габриэль), Алексанр Джованович (Бобби), Адам Боусдоукос (Коста), Регула Гравиллер (Алиса), Идил Унер (Жейда). Мазмуни: Бир муҳожир турк оиласининг Германияда туғилиб катта бўлган ўғли Жаброил ҳамда унинг ўртоқлари серб Бобби ва грек Коста Гамбург шаҳрида маҳаллий мафия сифатида иш юритадилар. Габриэль қамоққа тушиб чиққач, учовлоннинг ҳаётида ўзгаришлар юзага келади. Габриэль қамоқда ётган пайтида анчайин етишиб қолганлиги сабабли Туркиянинг жанубий қисмида иш бошлаб, осуда ҳаёт кечиришни ўйлай бошлайди. Аммо собиқ  жиноий шериклари унинг янги мақсадларини тушуна олмайдилар. Фильм рус тилига таржима қилинган
	5 июн, бошланиши: 19:00 ПУЛ ТОПИШ ПАЙИДА  (1999), Драма. 104 дақиқа. Продюсер: Реха Эрдем. Ролларда:  Бенну Йилдиримлак, Зуҳал Генчер. Мазмуни: Кичик бир кишининг ҳаётига кирган катта миқдордаги пул ҳамда кичик жиноятнинг қай тарзда катта фожеага айланиши мумкинлиги тасвирланади. Фильмда ишонч, қадр-қиммат сингари хусуслар бирма-бир йўқолиб кетаётган шу ҳаётимизда йўқолган ҳамма нарсанинг ўрнини олаётган пул мавзусига тўхталади. Пул мавжуд бўлган жойдаги барча воқеалар фильмда ҳам тасвирланади. Бу ерда ўйлар, фожеалар, кулгили воқеалар ва албатта ҳис-ҳаяжон мавжуд.
	6 июн, бошланиши: 19:00 ВАҚТИНЧАЛИК КЕЛИН (2004), Драма, 100 дақиқа. Режиссёр: Атиф Йилмаз. Ролларда: Ниргуль Ешилчай, Эйлем Йилдиз, Метин Акпинар, Онур Унсал. Мазмуни: Фильмда 1930 йилда Эгей ҳудудида жойлашган кичик шахарчада бўлиб утган воқеалар тасвирланади. Туман ҳокимининг ўн саккиз ёшда бўлган Али исмли ўғли яхши бир оиланинг қизига унаштирилган бўлишига қарамасдан уйланишга умуман қизиқмайди ва уйланишга ўйин сифатида қарайди. Қизнинг оиласи тўйга тайёр бўлиб турган бир пайтда Али шаҳарчадаги чодир театрида хўроз қилиқларини кўрсатиш, қўғирчоқ ўйнатиш ҳамда уйдаги жажжи болаларни ўйнатиш билан машғул бўлади. Алининг оиласи тезроқ вояга етиши учун унга ўша замонларда  кенг тарқалган анъанага кура «вақтинчалик келин” олиб беришга қарор қилади. Фильм ўзбек тилига таржима қилинган
	7 июн, бошланиши: 19:00 ЧОРАСИЗ СЕВГИ (1968), Драма, 90 дақиқа. Продюсер: Флутфи Акад. Ролларда: Туркан Шорай (Сабиҳа) Иззат Гунай (Халил), Айфер Ферай (Мужган). Саит Фаик Абасияник асари асосида суратга олинган.   Мазмуни: Мева-сабзавот сотувчиси Халил, Истамбулнинг Бейўғли даҳасига кечаси ўзи кайф-сафо қилгани борадиган барлардан бирида меҳмонлар билан кўнгилхушлик қилувчи аёл билан танишади. Қисқа фурсатда улар бир-бирларига боғланиб қоладилар. Аёл йигитнинг уйланганлигини эшитиб бор умидлари пучга чиқади ва ўз севган кишисини унутиб уни ўзидан узоқлаштиришдан бошқа чораси қолмайди.   Ўз даврида севиб томоша қилинган ва мақтовларга лойиқ фильм бугунги кунда ҳам яп-янгидек. Фильм ўзбек тилига таржима қилинган